Një person ka vdekur dhe pesë të tjerë janë lënduar pas një aksidenti trafiku mes dy veturave në fshatin Prugovc të Prishtinës.
Policia ka bërë të ditur se aksidenti ka ndodhur rreth orës 13:30.
“Rreth orës 13:30 kemi pranuar informatën se në fshatin Prugovc, ka ndodhur një aksident trafiku. Në këtë aksident kanë qenë të përfshira, dy automjete, të cilat kanë qenë në lëvizje. Si pasojë e aksidentit lëndime trupore kanë pësuar pesë persona, një prej tyre nuk ka arritur të përballojë plagët dhe i njëjti ka vdekur. Vdekjen e tij e ka konstatuar ekipi mjekësor në Emergjencën e QKUK-së. Me rastin po merret hetuesia nga njësiti i trafikut rrugor”, thuhet në njoftim.
