Të paktën 5 persona kanë humbur jetën ndërsa 10 të tjerë po trajtohen në spital në shtetin Kaduna të Nigerisë, nga një “sëmundje e padiagnostikuar”, raporton Anadolu.
Sekretari i Spitalit “Sir Patrick Yakowa”, Ezra Joshua tha se në rajonin Kafanchan të shtetit, kanë humbur jetën 5 persona nga një sëmundje ende e padiagnostikuar ndërsa 10 të tjerë po marrin trajtim.
Ai theksoi se vazhdojnë hulumtimet lidhur me shkakun e vdekjes së personave, duke vënë në dukje se disa nga personat që u sollën në spital kishin kollë dhe të vjella.
Joshua gjithashtu paralajmëroi prindërit që të ndalojnë t’i referojnë fëmijët e tyre te mjekët lokalë, duke u bërë thirrje që menjëherë t’i dërgojnë në spital nëse vërejnë ndonjë simptomë.
