Kreu i ri i Këshillit të Lartë Shtetëror të Libisë, Mohamed Takala tha se duhet të vazhdojnë përgatitjet për mbajtjen e zgjedhjeve presidenciale dhe parlamentare, transmeton Anadolu.
Pas zgjedhjes në vend të Khalid al-Mishri në një votim të mbajtur më 6 gusht në Këshillin e Lartë Shtetëror, Takala vizitoi Al-Hums, qytetin e tij të lindjes që ndodhet në lindje të kryeqytetit Tripoli.
Takala bëri disa deklarata në takimet që zhvilloi me klerikë fetarë dhe liderë të fiseve kryesore të Al-Hums.
Pasi vuri në dukje se të gjitha institucionet shtetërore duhet të punojnë së bashku duke bashkuar radhët për mirëqenien dhe stabilitetin e Libisë, Takala tha se kjo ka “kuptim të madh” për vendin.
Ai theksoi se duhet të vazhdojnë përgatitjet për zgjedhjet presidenciale dhe parlamentare.
Në takimet e Forumit të Dialogut Politik të Libisë të udhëhequra nga OKB-ja në nëntor 2020, u vendos që zgjedhjet presidenciale dhe parlamentare të mbaheshin më 24 dhjetor 2021 por zgjedhjet nuk u mbajtën në datën e caktuar.
