Presidentja Vjosa Osmani ka pritur sot në takim të rregullt ambasadorin e Shteteve të Bashkuara, Jeffrey Hovenier, me të cilin ka biseduar për zhvillimet e fundit në vend.
Sipas njoftimit të publikuar në faqen e presidencës në FB, takimi ndodhi në prag të vizitës së Presidentës Osmani në Shtetet e Bashkuara të Amerikës.
Në njoftim theksohet se Osmani do të marrë pjesë në “javën e nivelit të lartë të Asamblesë së Përgjithshme te Kombeve te Bashkuara ne Neë York”.
Në takim u bisedua edhe për marrëveshjen e grantit që do të nënshkruhet nesër me Shtetet e Bashkuara të Amerikës.
“Presidentja Osmani dhe Amabasadori Hovenier diskutuan poashtu për marrëveshjen e grantit që do të nënshkruhet nesër me Shtetet e Bashkuara të Amerikës si dhe rëndësinë e vazhdimit të projekteve të përbashkta”, thuhet në njoftim.
