Presidenti turk, Recep Tayyip Erdoğan dhe homologia e tij greke, Katerina Sakellaropoulou, kanë theksuar rëndësinë e përmirësimit të marrëdhënieve dypalëshe mes dy vendeve fqinje, raporton Anadolu.
Në takimin e saj me presidentin Erdoğan në Athinë, Sakellaropoulou tërhoqi vëmendjen për afrimin e vazhdueshëm midis dy vendeve.
“Është më e nevojshme se kurrë që Greqia dhe Türkiye të punojnë së bashku për të forcuar bashkëpunimin, për të promovuar të drejtën ndërkombëtare dhe mirëqenien e rajonit më të gjerë”, tha Sakellaropoulou.
Ajo gjithashtu shprehu shpresë se Këshilli i 5-të i Bashkëpunimit të Nivelit të Lartë Greko-Turk, që do të mbahet sot, do të ishte produktiv.
Presidenti Erdoğan theksoi se vizita e tij në Athinë do të kontribuojë në përmirësimin e mëtejshëm të marrëdhënieve midis dy vendeve. “Besoj se takimi i Këshillit të Bashkëpunimit të Nivelit të Lartë do të mundësojë forcimin e periudhës së re midis Türkiyes dhe Greqisë”, tha ai.
Presidenti turk tha se synimi është rritja e vëllimit tregtar prej 5,5 miliardë dollarë në 10 miliardë dollarë.
“Do të bisedojmë se çfarë hapa mund të hedhim dhe në cilat fusha”, tha ai.
Türkiye-Yunanistan Yüksek Düzeyli İşbirliği Konseyimizin beşinci toplantısını @PrimeministerGR ile bugün Atina’da gerçekleştirdik.
Dostane İlişkiler ve İyi Komşuluk Hakkında Atina Bildirgesi ile ilişkilerimizi geliştirme yönündeki irademizi en üst seviyede teyit ettik.
… pic.twitter.com/f7qwVqFBpS
— Recep Tayyip Erdoğan (@RTErdogan) December 7, 2023
