Kryeministrja franceze Elisabeth Borne dha dorëheqje, transmeton Anadolu.
Borne u takua më herët me presidentin Emmanuel Macron në pallatin presidencial Elysee në Paris, njoftoi e përditshmja Le Figaro.
Sipas të njëjtit burim, Borne paraqiti dorëheqjen e saj.
Macron postoi një mesazh në X duke falënderuar Borne-n për përpjekjet e saj “shembullore” si kryeministre e Francës.
Borne u emërua kryeministre në maj 2022 dhe largimi i saj vjen pas miratimit të një ligji të ashpër dhe të diskutueshëm të emigracionit në fund të vitit të kaluar.
Ditët e fundit janë shtuar pritshmëritë që Macron do të riorganizojë kabinetin e tij.
