Sekretari amerikan i Shtetit, Antony Blinken diskutoi për situatën e “Gazës së pasluftës” me presidentin egjiptian, Abdel Fattah al-Sisi në Kajro, ndalesa e fundit e turneut të tij në Lindjen e Mesme, transmeton Anadolu.
Sipas “New York Times”, Blinken u takua me Sisin në pallatin presidencial në Kajro, pas vizitës së tij në Izrael dhe diskutoi për “civilët palestinezë dhe situatën e Gazës pas luftës” të prekur nga sulmet e Izraelit në Gaza.
Zyrtarë të Departamentit Amerikan të Shtetit deklaruan se gjatë takimit u diskutua edhe për çështjen e “parandalimit të përshkallëzimit të konflikteve dhe përhapjes në rajone të tjera”.
Blinken vizitoi Türkiyen, Jordaninë, Katarin, Emiratet e Bashkuara Arabe, Arabinë Saudite dhe Izraelin si pjesë e turneut të tij në Lindjen e Mesme.
