Ministri i Punëve të Jashtme të Turqisë, Hakan Fidan, bëri thirrje për uljen e tensionit në Gjirin e Adenit, duke theksuar se rajoni tashmë po përballet me shumë sfida, raporton Anadolu.
Siç njoftojnë burimet diplomatike turke, kryediplomati turk zhvilloi një bisedë telefonike me homologun e tij britanik David Cameron.
Fidan shprehu gatishmërinë e Turqisë për të përmbushur detyrimet e saj për këtë çështje, thanë burimet, duke shtuar se gjithashtu u diskutua situata në Gaza.
Kryediplomati turk theksoi nevojën për përfundimin e menjëhershëm të luftës në Gaza, duke theksuar se përshkallëzimi përbën një rrezik serioz për sigurinë rajonale dhe stabilitetin ndërkombëtar.
SHBA dhe Britania e Madhe nisën sulme ushtarake në Jemen mbrëmë vonë, pas një varg sulmesh të rebelëve Huthi në Detin e Kuq që destabilizuan rrugët tregtare.
Grupi, i cili thotë se synon anijet e lidhura me Izraelin në solidaritet me popullin e Gazës, tha se Amerika dhe Britania “do të paguajnë një çmim të rëndë”.
Sulmet, thonë vëzhguesit, mund të nxisin më tej tensionet në një rajon tashmë të paqëndrueshëm.
