Qindra kolonë të paligjshëm hebrenj nën mbrojtjen e policisë izraelite bastisën xhaminë Al-Aksa në qytetin e vjetër të Kudsit Lindor të pushtuar, transmeton Anadolu.
Në deklaratën me shkrim nga Administrata e Fondacioneve Islame të Kudsit thuhet se rreth 950 kolonë fanatikë hebrenj bastisën xhaminë e shenjtë nga Porta Al-Magharibah në jugperëndim të Mesxhid Al-Aksa në mëngjes.
Në deklaratë thuhet se grupi fanatik hebre, nën mbrojtjen e policisë izraelite u largua nga Mesxhid Al-Aksa pasi u endën nëpër oborrin e xhamisë.
Parashikohet që bastisjet e kolonëve ilegalë hebrenj në Al-Aksa nën mbikëqyrjen e policisë izraelite të vazhdojnë deri në namazin e ikindisë.
Nga ana tjetër, pati një turmë në Qytetin e Vjetër, pasi disa hebrenj erdhën në Murin e Burakut (Vajtimit) për t’u lutur për shkak të Pashkës hebraike.
Policia izraelite vendosi një numër të madh të trupave të saj në Qytetin e Vjetër. Në dy ditët e para të Pashkës hebraike, 1.167 kolonë fanatikë hebrenj bastisën Xhaminë Al-Aksa.
Bastisje të tilla ndaj xhamisë së shenjtë nga hebrenjtë fanatikë shkaktojnë përshkallëzim të tensioneve në rajon.
Hebrenjtë fanatikë pritet të shtojnë bastisjet e tyre në xhaminë Al-Aksa për shkak të festës së Pashkës (Passach), e cila fillon më 22 prill dhe do të vazhdojë deri në mbrëmjen e 30 prillit.
