Ndihmëssekretari amerikan i Shtetit për Evropë dhe Euroazi, James O’Brien, me të dërguarin e SHBA-së për Ballkanin Perëndimor, Gabriel Escobar, dhe emisarin e BE-së, Miroslav Lajçak, janë koordinuar për strategjitë mbi çështjen e dialogut Kosovë-Serbi.
O’Brien ka thënë se të tre u koordinuan mbi strategjitë që i çojnë dy shtetet përpara në dialog.
“Diskutime të rëndësishme me ndihmësndihmës sekretarin Gabriel Escobar dhe emisarin e BE-së, Miroslav Lajçak, sot. Koordinuam strategjitë për t’i çuar Kosovën dhe Serbinë përpara në dialogun e lehtësuar nga BE-ja. SHBA-ja fuqishëm mbështet dialogun si rrugë për marrëdhënie paqësore dhe produktive”, ka shkruar ai në platformën X.
Lajçak në një postim tjetër gjithashtu shkroi se në Ëashington u diskutua rruga përpara në dialogun Kosovë-Serbi, e për çështje të tjera rajonale në Ballkanin Perëndimor.
