Presidentja e Kosovës, Vjosa Osmani, ka udhëtuar për në Mbretërinë e Danimarkës për të marrë pjesë në Samitin e Kopenhagës për Demokraci.
Presidenca njoftoi të martën se Osmani do të mbajë fjalë mbi përpjekjet e Kosovës për mbrojtjen dhe forcimin e demokracisë dhe për rëndësinë e integrimit në institucionet euroatlantike.
Ajo do të takohet edhe me liderë shtetërorë.
“Në Samit, Presidentja Osmani do të ketë fjalim kryesor dhe diskutim mbi përpjekjet e Kosovës për mbrojtjen dhe forcimin e demokracisë, si dhe për rëndësinë e integrimit të vendit tonë dhe të vendeve tjera aspiruese në institucionet euroatlantike në dritë të zhvillimeve gjeopolitike. Përgjatë vizitës në Mbretërinë e Danimarkës, Presidentja Osmani do të zhvillojë takime me liderë shtetëror. Po ashtu, Presidentja Osmani do ta takojë edhe mërgatën shqiptare në këtë shtet”, thuhet në njoftim.
