Fluturimi i parë për të transportuar azilkërkuesit në Ruandë pritet të ndodhë pas zgjedhjeve parlamentare të 4 korrikut, njoftoi sot kryeministri britanik Rishi Sunak.
Duke folur për Radion LBC, një ditë pas shpalljes së datës së zgjedhjeve, Sunak theksoi se përgatitjet kishin filluar tashmë.
Ligji, i miratuar më 23 prill, synon të dëbojë mijëra emigrantë në vendin e Afrikës Lindore, ku do të shqyrtohen kërkesat e tyre për azil, por pa mundësinë e kthimit në Britani, pavarësisht nga rezultati.
Kryeministri britanik Rishi Sunak njoftoi dje se zgjedhjet e përgjithshme do të mbahen më 4 korrik, duke i dhënë fund muajve të vonesave në caktimin e datës së zgjedhjeve, të cilat Partia Laburiste e opozitës besohet se do të fitojë.
Siç njoftoi kryeministria, të premten do të pezullohet puna e Dhomës së Komunave dhe do të shpërndahet Parlamenti më 30 maj.
Parlamenti i ri nga zgjedhjet e 4 korrikut do të mblidhet më 9 korrik dhe do të fillojë punën më 17 korrik. /abcnews
