Presidenti i Kolumbisë, Gustavo Petro, i bëri thirrje OKB-së të marrin masa për dërgimin e paqeruajtësve në Rripin e Gazës, transmeton Anadolu.
Petro në postimin e tij në platformën e mediave sociale X tha: “Nuk ka alternativë tjetër përveç forcave paqeruajtëse të OKB-së në Rripin e Gazës. Kolumbia do të jetë pjesë e një force të tillë”.
Petro, i cili nga llogaria e tij personale citon lajmin që dënon Izraelin pas sulmit të ushtrisë izraelite në kampin e palestinezëve të zhvendosur në qytetin Rafah, ndan mbështetjen për Palestinën.
Në postimin e tij më 28 maj, Petro tha se “Izraeli vazhdon të bëjë masakra në Rafah”.
Kolumbia njoftoi më 3 maj se ka ndërprerë zyrtarisht marrëdhëniet diplomatike me Izraelin, duke përmendur sulmet e vazhdueshme kundër popullit palestinez në Gaza.
