Banka Botërore vlerëson pozitivisht trendin në rritje të ekonomisë shqiptare, teksa shpreh angazhimin për të mbështetur Shqipërinë në disa drejtime kryesore ekonomiko-sociale.
Menaxheri i zyrës së Bankës Botërore në Shqipëri Emanuel Salinas, tha se, ekonomia shqiptare duhet të orientohet drejt eksporteve dhe shfrytëzimit të burimeve natyrore, si sektorë potencialë për zhvillimin e mëtejshëm të vendit.
Salinas tha se BB në bashkëpunim me qeverinë po punojnë për rritjen e cilësisë së edukimit të të rinjve në shkollat profesionale dhe në universitete.
“Kapitali njerëzor burimi i saj, njerëzit e talentuar të këtij vendi, sidomos të rinjtë, kontributi i tyre është i rëndësishëm për rritjen e produktivitetit të ekonomisë dhe ardhjen e kompanive të huaja.
Tre janë prioritet e Bankës Botërore në Shqipëri: E para, është të krijohen vende pune, dhe me paga të larta. Ka vende punë në sektorin e ndërtimit, në sektorin katering, por nuk ofrohen vende pune në sektorë të tjerë.
Prioriteti i dytë është kapitali human. Kjo është e rëndësishme jo vetëm për vendin, por edhe për kompanitë e huaja që vijnë në Shqipëri.
Prioriteti i tretë është rimëkëmbja e vendit, pas goditjeve nga tërmetit të 2019-s, pandemia e Covid-19 apo kriza energjetike”, theksoi ai. /Telegrafi/
The post BB: Ekonomia shqiptare në trend rritje first appeared on Radio Televizioni Iliria.
