Ushtria izraelite ka pohuar se nuk ka “asnjë indikacion” se është përgjegjëse për sulmin vdekjeprurës të së premtes në një kamp me tenda në zonën al-Mawasi të Gazës jugore, i cili ka vrarë të paktën 25 njerëz dhe ka plagosur 50 të tjerë.
Një dëshmitar në al-Mawasi tha se “dy tanke u ngjitën në një kodër” dhe “dërguan topa zjarri që goditën çadrat e njerëzve të varfër të zhvendosur në zonë”, sipas agjencisë së lajmeve Reuters.
KNKK e ka dënuar sulmin në kamp dhe tha se vendndodhja e zyrës së saj humanitare, e cila u godit, ishte e njohur për palët ndërluftuese.
Shefi politik i Hamasit, Ismail Haniyeh thotë se grupi palestinez është i gatshëm të mirëpresë “çdo dokument apo iniciativë që siguron themelet e pozicionit të rezistencës në negociatat për armëpushim”.
