Ushtarët izraelitë arrestuan të paktën 30 palestinezë, përfshirë fëmijë në bastisjet që kryen në zona të ndryshme të Bregut Perëndimor të pushtuar, transmeton Anadolu.
Në një deklaratë të përbashkët nga Shoqata e të Burgosurve Palestinezë dhe Delegacioni për të Burgosurit dhe të Liruarit të lidhur me Organizatën për Çlirimin e Palestinës thuhet se ushtarët izraelitë vazhdojnë bastisjet e tyre në Bregun Perëndimor nën pushtim.
Ushtria izraelite në 24 orët e fundit ka arrestuar të paktën 30 palestinezë të tjerë, përfshirë në mesin e tyre fëmijë dhe ish të burgosur në qytetet Ramallah, Jenin, Qalqilya, Betlehem, Nablus, El-Khalil dhe Tubas të Bregut Perëndimor.
Në Bregun Perëndimor të pushtuar ka arritur në 9.580 numri i palestinezëve të arrestuar që nga 7 tetori i vitit 2023 e deri më tani.
Që kur ushtria izraelite filloi sulmet në Rripin e Gazës nga 7 tetori 2023 e deri më tani, në Bregun Perëndimor të pushtuar dhe Kudsin Lindor ka pasur rritje të arrestimeve, bastisjeve dhe sulmeve kundër palestinezëve.
Që nga 7 tetori e deri më tani në sulmet e ushtarëve izraelitë dhe izraelitëve që grabisin tokat e palestinezëve në Bregun Perëndimor dhe Kudsin Lindor nën pushtim, janë vrarë 571 palestinezë.
