Instituti Kombëtar i Shëndetësisë Publike të Kosovës ka bërë të ditur se janë raportuar 19 raste të reja me Covid-19 në Kosovë.
Në njoftimin e IKShPK-së thuhet se në periudhën dy javore 10-23 korrik janë raportuar 19 raste pozitive dhe asnjë rast i vdekjes.
Sipas njoftimit, rastet kryesisht i takojnë grup-moshave nga 0-9 deri 70-79 vjeç, ku grupmosha 30-39 vjeç ka pasur 4 raste, si grupmosha më e prekur.
Derisa, IKShPK-ja ka rekomanduar hapat të cilat mund të ndërmarrin qytetarët për të mbrojtur veten dhe të tjerët.
“Praktikimin e higjienës së mirë personale dhe kolektive
Qëndrimin në ajër të pastër
Kërkimin e kujdesit shëndetësor për testim ose trajtim nëse keni shenja apo faktorë rreziku për sëmundje të rëndë
Vaksinimi me doza përforcuese për të parandaluar COVID-in e zgjatur
Përditësimin me informacione rreth situatës me COVID-19 dhe sëmundjeve të tjera”, thuhet në njoftim./
