Kamala Harris do të jetë zyrtarisht kandidatja demokrate përballë Donald Trump në zgjedhjet Presidenciale të nëntorit pasi ka marrë shumicën e votave të delegateve të partisë së saj.
Konfirmimi zyrtar pritet të bëhet të hënën kur pritet të mbyllet edhe procesi i votimit online për delegatët.
Në një komunikim me mbështetësit e saj Harris u shpreh se ndihej e nderuar.
Komiteti Kombëtar Demokratik nuk dha detaje për numrin e delegatëve që votuan për të, përfshirë as ndarjen e votave sipas shteteve.
Asnjë kandidat tjetër nuk e sfidoi Harris për nominimin dhe shumë demokratë menjëherë i ofruan mbështetje, pasi Biden e mbështeti atë.
Në Kuvendin e demokratëve, secili shtet do të votojë veç e veç, pasi kjo është mënyra tradicionale e përzgjedhjes së kandidatit për president, por pas votimit online, ky votim do të jetë krejtësisht ceremonial.
