Irani ka arrestuar dhjetëra njerëz, duke përfshirë oficerë ushtarakë dhe të inteligjencës, si pjesë e hetimit të tij për vrasjen e shefit politik të Hamasit, Ismail Haniyeh, sipas një raporti të medias amerikane.
Gjithashtu në paraburgim janë stafi në bujtinën në Teheran ku Haniyeh u vra herët të mërkurën, raporton The New York Times, duke cituar dy iranianë “të njohur” me hetimin.
Agjentët e sigurisë hynë në bujtinë, e cila është në pronësi të Korpusit të Gardës Revolucionare Islamike (IRGC) dhe e vendosën të gjithë stafin “nën karantinë, arrestuan disa dhe konfiskuan të gjitha pajisjet elektronike, përfshirë telefonat personalë”, thanë burimet për gazetën.
Agjentët po kontrollojnë gjithashtu aeroportet e Iranit në kërkim të autorëve, të cilët ata besojnë se janë anëtarë të inteligjencës izraelite dhe janë ende në vend, thanë burimet.
