Presidenti amerikan, Joe Biden dhe zëvendëspresidentja Kamala Harris, vlerësuan me ekipin e tyre të sigurisë kombëtare situatën e fundit në Lindjen e Mesme, ndërkohë temat që kryesuan në tensionin e rritur në rajon ishin “kërcënimet ndaj Izraelit me burim nga Irani” dhe sulmi ndaj bazës ushtarake Al Asad në Irak, transmeton Anadolu.
Sipas një deklarate të bërë nga Shtëpia e Bardhë, Biden dhe Harris u takuan me ekipin e sigurisë kombëtare në Sallën e Situatave në Shtëpinë e Bardhë.
Në takimin ku u diskutua gjerësisht për tensionet në rritje në ditët e fundit në Lindjen e Mesme, u vlerësua kryesisht tensioni mes Izraelit dhe Iranit dhe ndërlikimet që lidhen me të.
Ekipi i sigurisë kombëtare informoi Biden dhe Harris për sulmin në bazën ajrore amerikane Al Asad dje në Irak, ndërsa në takim u trajtua në mënyrë gjithëpërfshirëse “Kërcënimet kundër Izraelit me burim nga Irani”.
Gjithashtu u theksua se gjatë takimit u diskutuan të gjitha masat për të garantuar sigurinë e Izraelit dhe ushtarëve amerikanë që shërbejnë në rajon.
Ndër të tjera gjatë takimit të sigurisë kombëtare në Shtëpinë e Bardhë, u vlerësuan edhe përpjekjet diplomatike për uljen e tensionit në rajon dhe procesi i mundshëm për armëpushim në Gaza.
