Policia e Kosovës të hënën ka realizuar një aksion në veri, ku ka mbyllur nëntë objekte të Postës së Serbisë.
E ky aksion nuk u mirëprit nga ndërkombëtarët, të cilët këto veprime po i cilësojnë si të njëanshme nga Qeveria Kurti, shkruan teve1.info
Përmes një postimi në rrjetin social “X”, Ambasadori i Gjermanisë në Kosovë, Jorn Rohde, ka deklaruar se hapat e njëanshëm bien ndesh me marrëveshjet e arritur në dialog, teksa shtoi se këto veprime rrezikojnë që aplikmi i Kosovës pë anëtarësim në BE, mund të mbetet në kuti.
“Hapat e njëanshëm dhe të pakoordinuar jo vetëm që bien ndesh me marrëveshjet e dialogut, por edhe më keq, rrezikojnë që aplikimi i Kosovës për anëtarësim në Bashkimin Evropian, të mbetet i mbërthyer në kuti (inbox)”, thotë mes tjerash ambasadori Rohde.
