Agjencia e OKB-së për refugjatët palestinezë tha sot se sulmet e vazhdueshme izraelite në Rripin e Gazës po pengojnë punimet humanitare në rajon, transmeton Anadolu.
Në një intervistë me kanalin “BBC News”, Juliette Touma, drejtoreshë e komunikimit në Agjencinë e OKB-së për Ndihmë dhe Punë për Refugjatët Palestinë në Lindjen e Afërt (UNRWA), tha: “Ne nuk po mund të kemi qasje tek ata që kanë më shumë nevojë për ne dhe të përmbushin detyrat tona”.
Ajo tha se “kufizimet e vendosura të hyrjes, furnizimet e kufizuara dhe bombardimet e vazhdueshme të rënda po pengojnë mundësitë e UNRWA-së për të ofruar ndihmë”.
“Nuk mund të japësh ndihma nën një qiell plot me sulme ajrore”, shtoi ajo.
Izraeli ka bombarduar Rripin e Gazës nga ajri dhe toka, ka vendosur rrethim dhe ka ndërmarrë një ofensivë tokësore si hakmarrje për sulmin ndërkufitar nga Hamasi më 7 tetor.
Të paktën 18.800 palestinezë janë vrarë që atëherë dhe 51.000 janë plagosur në sulmet izraelite, sipas autoriteteve shëndetësore të Gazës.
Numri i të vdekurve izraelitë në sulmin e Hamasit është 1.200, ndërsa më shumë se 130 pengje ende mbahen nga grupi palestinez në Gaza, sipas shifrave zyrtare.
