Dy persona janë lënduar në një aksident trafiku që ka ndodhur sot në kilometrin e 48-të të autostradës Prizren-Prishtinë.
Kështu ka bërë të ditur për teve1.info, zëdhënësi i policisë, Bajram Krasniqi, i cili tha se të lënduarit janë dërguar për tretman mjekësor.
“Sot, më 20.02.2024, rreth orës 08:30, në autostradë drejtimi Prizren-Prishtinë km i 48-të, ka ndodhur një aksident trafiku në të cilin janë përfshirë dy automjete (një kamionetë dhe një veturë). Si pasojë e aksidentit, lëndime trupore kanë pësuar dy persona. Të lënduarit, janë dërguar për tretman mjekësor”, ka deklaruar Krasniqi.