RTV AHIRETI
LajmeRajon dhe Botë

Altun bën thirrje për luftë globale kundër organizatës terroriste FETO – VIDEO

altun-ben-thirrje-per-lufte-globale-kunder-organizates-terroriste-feto-–-video

Kreu i Komunikimeve i Presidencës së Turqisë, Fahrettin Altun, tha se organizata terroriste FETO është një “organizatë terroriste globale”, duke bërë thirrje për një luftë globale kundër grupit terrorist, raporton Anadolu.

Duke folur në një simpozium kushtuar luftës ndërkombëtare kundër FETO-s, Altun tha se mbështetja dhe mbrojtja e një organizate terroriste “vetëm do të ndezë zjarrin e terrorizmit global”.

“Ne e shohim sot se FETO është marrë nën krahët e Perëndimit, ashtu siç mbrohet organizata terroriste PKK/PYD. Qarqet që supozohet se e tregtojnë atë si fytyrën e Islamit të moderuar, po përpiqen të fshehin natyrën antidemokratike, totalitare dhe terroriste të FETO-s”, tha Altun.

FETO orkestroi grushtin e shtetit të mposhtur të 15 korrikut 2016 në Turqi, ku 251 persona u vranë dhe 2.734 u plagosën.

FETO qëndron pas një fushate të gjatë për të përmbysur shtetin përmes infiltrimit në institucionet turke, veçanërisht në ushtri, polici dhe gjyqësor.

Altun theksoi gjithashtu se FETO është “një grup terrorist radikal” dhe se përdor “militantët e tij për të depërtuar në institucionet strategjike të shteteve dhe për të shfrytëzuar ndjeshmëritë kombëtare dhe morale të vendit”.

Duke thënë se është e nevojshme të vëzhgohen dhe të ekzaminohen organizata të ngjashme terroriste të kultit që janë shfaqur në mbarë botën për të kuptuar më mirë FETO-n, Altun tha se “besimet apokaliptike të këtyre organizatave terroriste të kultit çojnë në pasoja shkatërruese nëse nuk merren masat paraprake”.

Altun theksoi se Turqia vazhdon të luftojë FETO-n “në mënyrë të pandërprerë dhe me vendosmëri, jo vetëm brenda vendit, por edhe në arenën ndërkombëtare”.

Ai tha se Ministria e Drejtësisë e Turqisë kërkoi ekstradimin e 1.022 anëtarëve të organizatës nga 109 vende, ndërsa Fondacioni turk Maarif mori përsipër mbi 220 shkolla në 19 vende nga grupi.

Altun shtoi se Organizata Kombëtare e Inteligjencës së Turqisë (MIT) siguroi ekstradimin e më shumë se 100 anëtarëve të FETO-s në vend.

Ai u zotua se do të vazhdojë përpjekjet derisa të gjithë anëtarët e FETO-s të dalin para drejtësisë.

Related posts

Në sulmin ajror të Izraelit në Gaza vritet një palestinez

admin

Vendi i fundit i sigurt në Gazën jugore, Netanyahu njofton nisjen e operacionit ushtarak në Rafah

admin

Ukrainasit po përpiqen ta çlirojnë Khersonin, një nga qytetet më të rëndësishme për Moskën

admin