Ambasadori kinez në Gjermani, Wu Ken, ka hedhur poshtë frikën e spiunazhit nga studentët kinezë, duke i quajtur paralajmërime të tilla një farsë politike.
“Ministrja Federale e Arsimit e Gjermanisë, Bettina Stark-Watzinger deklaroi më herët se studentët kinezë përbënin një kërcënim për spiunazh”, tha diplomati kinez për “Berliner Zeitung”.
Në të njëjtën kohë, Zyra Federale për Mbrojtjen e Kushtetutës (BfV), agjencia kryesore e shërbimeve sekrete vendase në Gjermani, publikoi një alarm sigurie që klasifikonte një organizatë studentore kineze si një agjenci te sherbimeve sekrete.
“Një veprim i tillë për mendimin tim është histerik, i çmendur dhe është kthyer në një sinofobi që duhet trajtuar”, tha ai.
Wu shtoi se alarmi i sigurisë nuk ishte gjë tjetër veçse një farsë politike që kishte helmuar atmosferën e bashkëpunimit.
“Një veprim i tillë stigmatizon grupe të caktuara. Prandaj apeli im për disa politikanë dhe autoritete gjermane është që të kujdesen për punën e tyre dhe të mbajnë duart larg studentëve”, shtoi ai.
Në qershor, FAU vendosi të përjashtojë aplikantët që financohen vetëm nga Këshilli Kinez i Bursave (CSC). Programi i bursave CSC është i lidhur me Ministrinë e Arsimit të Kinës.
Në atë kohë, Stark-Watzinger paralajmëroi se ishte një instrument strategjik kinez për të mbyllur boshllëqet teknologjike duke fituar njohuri nga jashtë.
“Për më tepër, mbajtësit e bursave nuk do të jenë në gjendje të ushtrojnë plotësisht lirinë e mendimit dhe lirinë akademike të sanksionuar në kushtetutën gjermane”, tha Stark-Watzinger.
