Duke shprehur solidaritet me gazetarin e Anadolus i cili u sulmua nga forcat izraelite së fundmi, ambasadori palestinez në Mbretërinë e Bashkuar Husam Zomlot tha se shënjestrimi i gazetarëve është një “politikë e gjatë izraelite”.
“Armiku më i madh i Izraelit është e vërteta”, tha Zomlot për sulmin izraelit ndaj fotoreporteri të Anadolus Mustafa Haruf të premten.
Forcat izraelite sulmuan dhunshëm Harufin, i cili ishte në detyrë në Kudsin Lindor të pushtuar.
“Do të doja të them se kjo ka qenë një politikë izraelite e praktikuar prej kohësh për të synuar gazetarët”, tha ambasadori palestinez, duke shtuar se Izraeli e ka bërë këtë për dekada.
Duke kujtuar vrasjen e gazetares Shireen Abu Akleh, ai tha për Anadolu nëpërmjet telefonit: “Kjo është një kohë kur mjekët vijnë këtu për të refuzuar shënjestrimin e spitaleve, kur gazetarët duhet të mblidhen për të refuzuar shënjestrimin e gazetarëve”.
“Mendoj se Izraeli këtë herë e ka bërë të qartë se është pas secilit prej nesh jo vetëm në Palestinë, por në mbarë botën, pas së vërtetës që dëshiron të kryejë mizoritë e tij në errësirë”, vuri në dukje Zomlot.
Megjithatë, shtoi ai, tani të gjithë po thonë: “Ju kryeni krimet tuaja të luftës dhe krimet kundër njerëzimit, por jo në errësirë, ne do t’i ekspozojmë”.
Incidenti i së premtes ndodhi ndërsa një grup palestinezësh u mblodhën për t’u falur në lagjen Wadi al-Joz pranë Xhamisë Al-Aksa për shkak të kufizimeve të vazhdueshme të ushtrisë izraelite ndaj namazit të xhumasë në xhami.
Policia izraelite, e cila kishte ngritur barrikada në zonë, fillimisht ia drejtoi armët Harufit, i cili po mbulonte lajmet, dhe më pas e hodhën në tokë, duke e rrahur dhe shkelmuar.
Haruf pësoi goditje të rënda në fytyrë dhe trup dhe u dërgua me ambulancë në Spitalin Makassed në Kudsin Lindor të pushtuar.
Policia izraelite sulmoi edhe kameramanin Faiz Abu Ramila, i cili ishte me Harufin.
