Përpjekjet e Rusisë për të aneksuar territoret e Ukrainës nuk ndryshojnë asgjë dhe shteti do të vazhdojë të çlirojë tokën dhe popullin e saj. Kështu ka deklaruar ministri i Jashtëm i Ukrainës, Dmytro Kuleba në llogarinë e tij në Twitter.
“Duke u përpjekur të aneksojë rajonet Donetsk, Luhansk, Zaporizhia dhe Kherson të Ukrainës, Putini po përpiqet të rrëmbejë zona që nuk mund t’i kontrollojë as në terren”, tha fillimisht Kuleba.
“Asgjë nuk ndryshon për Ukrainën: ne vazhdojmë të çlirojmë tokën dhe popullin tonë, duke rivendosur integritetin territorial”, shtoi kreu i diplomacisë ukrainase. /abcnews
