RTV AHIRETI
LajmeRajon dhe Botë

Anija luftarake ruse hap zjarr paralajmërues ndaj anijes së mallrave në Detin e Zi

anija-luftarake-ruse-hap-zjarr-paralajmerues-ndaj-anijes-se-mallrave-ne-detin-e-zi

Ministria e Mbrojtjes së Rusisë njoftoi se një zjarr paralajmërues u hap ndaj një anijeje të mallrave që lëvizte drejt portit të Ukrainës në Detin e Zi, transmeton Anadolu.

Në një deklaratë me shkrim nga ministria vihet në dukje se anija patrulluese ruse “Vasily Bykov” identifikoi në jugperëndim të Detit të Zi anijen e mallrave të thata të emërtuar “Sukru Okan” me flamur të Palaut.

“Anija po lëvizte drejt portit Izmail të Ukrainës. Kapiteni i anijes nuk dha përgjigje ndaj kërkesës për të ndaluar për kontroll lidhur me dërgesën e ngarkesave të ndaluara. Anija luftarake ruse hapi zjarr paralajmërues me armë të lehta automatike për të ndaluar me forcë anijen”, thuhet në deklaratë.

Më tej thuhet se për kontrollin e anijes u ngritën në ajër helikopterët e llojit “Ka-29” të cilët transportuan ushtarët rusë. “Pas bisedimeve me radio-marrëse anija ndaloi dhe ekipi i kontrollit hipi në anijen e mallrave. Pas përfundimit të punimeve nga ekipi i kontrollit, anija ‘Sukru Okan’ vazhdoi rrugën e saj drejt portit Izmail”, thekson ministria.

Ministria ruse e Mbrojtjes në një deklaratë më 19 korrik njoftoi se të gjitha anijet që shkojnë në portet e Ukrainës do të vlerësohen si “transportues të ngarkesës potenciale ushtarake”.

Related posts

Osmani sot në Mal të Zi

rezart morina

Kina vendos masa izoluese për miliona banorë në afërsi të Pekinit

admin

Japonia kundërshton stërvitjet ushtarake të Koresë së Jugut

admin