RTV AHIRETI
LajmeRajon dhe Botë

Ankara kritikon heshtjen e Perëndimit për arrestimin e gazetarëve turq në Gjermani

ankara-kritikon-heshtjen-e-perendimit-per-arrestimin-e-gazetareve-turq-ne-gjermani

Drejtori i komunikimeve në Presidencën e Turqisë, Fahrettin Altun, ka kritikuar Perëndimin për ndalimin e dy gazetarëve turq në Gjermani lidhur me raportimet e tyre kundër organizatës terroriste FETO, grupit që qëndron pas grusht shtetit të dështuar të vitit 2016 në Turqi, transmeton Anadolu.

“Të verbrit që drejtojnë të verbrit! Ashtu si operacioni i paturpshëm që shënjestron gazetarët turq që veprojnë legalisht në Gjermani, edhe ata që heshtin kanë bërë diçka krejtësisht të papranueshme”, shkroi Altun në Twitter.

Më herët, korrespondenti i ‘TRT World’ në Washington kërkoi nga zv.zëdhënësi i Departamentit Amerikan të Shtetit, Vedant Patel, të komentojë rreth arrestimit të gazetarëve turq në Gjermani.

Patel nuk pranoi të komentojë, duke theksuar se nuk i di “specifikat e këtij rasti”.

Altun tha se ata që “guxojnë t’i japin leksione Turqisë, ku qindra gazetarë të huaj punojnë lirshëm, në çdo hap kanë zbuluar fytyrën e vërtetë të të ashtuquajturave vlera të tyre sot”.

“Mesazhi ynë është i qartë. Në një mënyrë apo tjetër, ju do të pajtoheni me faktin se Turqia do të vazhdojë të jetë shtet i madh që mbron qytetarët e saj dhe do të mbajë përgjegjës këto që guxon t’i lëndojë ata nën udhëheqjen e fortë të presidentit Recep Tayyip Erdoğan”, tha Altun.

İsmail Erel dhe Cemil Albay, gazetarë që punojnë për të përditshmen turke ‘Sabah’, u ndaluan në orët e para të së mërkurës, pasi dhjetëra policë bastisën shtëpitë e tyre në qytetin gjerman Frankfurt.

Nga policia gjermane gjithashtu iu sekuestruan telefonat, laptopët dhe pajisjet elektronike për ruajtje të të dhënave. Ata u liruan disa orë pas ndalimit.

Related posts

Fotoreporteri palestinez dokumenton krimet e Izraelit në Gaza pavarësisht sfidës me kancerin

admin6

OBSH: Vetëm 10 nga 36 spitalet në Gaza ofrojnë pjesërisht shërbim

admin

Anulimi i vendimit që ndalon importin e mallrave serbe, “kusht” shtesë për heqjen e masave të BE-së

admin