Arabia Saudite ka njoftuar se do të kryejë 1 miliard dollarë investime në Pakistan, me qëllim mbështetjen për ekonominë e këtij vendi, transmeton Anadolu Agency (AA).
Sipas lajmit në agjencisë zyrtare SPA të Arabisë Saudite, mbreti Salman bin Abdulaziz Al Saud ka dhënë udhëzim për investimin prej 1 miliard dollarësh në Pakistan.
Theksohet se ky hap është ndërmarrë në kuadër të mbështetjes së administratës së Riadit për ekonominë e Pakistanit.
Gjithashtu ministri saudit i Punëve të Jashtme, Faisal bin Farhan, zhvilloi një bisedë telefonike me homologun e tij pakistanez, Bilawal Bhutto Zardari dhe e informoi atë lidhur me çështjen.
