Banka e Palestinës është rihapur në Gaza pas dy vitesh mbylljeje të shkaktuar nga sulmet dhe bllokada izraelite, raporton Anadolu.
Disa degë në Qytetin Gaza, Khan Younis dhe Rafah u dëmtuan ose u shkatërruan dhe mbyllja e gjatë i detyroi banorët të mbështeteshin në aplikacionet elektronike me norma të larta komisioni.
Banka rifilloi operacionet pas armëpushimit, por dëmtimet e rënda strukturore dhe furnizimi i kufizuar i parave të gatshme krijuan probleme të reja.
Që nga tetori i vitit 2023, Izraeli në sulmet në Gaza ka vrarë të paktën 69 mijë palestinezë, kryesisht gra dhe fëmijë, ka plagosur mbi 170.600 të tjerë dhe ka lënë rreth 9.500 të zhdukur, shumë prej të cilëve besohet se janë të bllokuar nën shtëpi të shkatërruara ose ende të pagjetur.
