Policia e Kosovës (PK) njofton se janë arrestuar tetë persona në Prishtinë, pasi të njëjtit janë kapur duke luajtur bixhoz.
Në raportin 24 orësh të Policisë, thuhet se arrestimi i të dyshuarve u bë të hënën, rreth orës 23:30, në rrugën “1 Tetori” në Prishtinë.
Rasti është iniciuar si “Organizim i bixhozit të kundërligjshëm”.
“Në vendin e ngjarjes në cilësi të provave materiale janë gjetur dhe konfiskuar letra bixhozi si dhe çipa të cilët shërbejnë për të luajtur bixhoz”, thuhet në njoftim.
Bëhet e ditur se të dyshuarit janë liruar, ndërsa rasti ka vazhduar në procedurë të rregullt.
