Policia e Kosovës ka ndërmarrë një aksion pasditën e djeshme ndaj punëtorëve të dyshuar për mashtrim në “Call Center”.
Një nga të arrestuarit është shtetas izraelit që dyshohet për mashtrim në vende të ndryshme.
“Në një qendre të thirrjeve janë arrestuar një mashkull shtetas Izraelit, shtatë meshkuj kosovar dhe gjashtë femra kosovare, nën dyshimin e bazuar se përmes komunikimeve telefonike kanë arrit të mashtrojnë persona të ndryshëm në vende të ndryshme. Si prova material janë sekuestruar dy vetura, 167 kompjuter, 3 laptop, 21 telefona mobil, 2 DVR, 2 HDD, 2 USB dhe dokumentacion të ndryshme. Me vendim të prokurorit, të dyshuarit janë dërguar në mbajtje” thuhet në njoftimin e Policisë.
