Azerbajxhani tha se Armenia ka qëlluar në pozicionet e tij ushtarake në rajonin perëndimor Kalbajar, transmeton Anadolu.
Ministria e Mbrojtjes e Azerbajxhanit tha në një deklaratë se forcat armene të premten qëlluan në pozicionet e saj rreth fshatit Mollabayramli nga ora 12:25 deri në 15:35 me kohën lokale.
“Masat e reagimit adekuat u morën nga njësitë e Ushtrisë së Azerbajxhanit”, shtohet në deklaratë.
Marrëdhëniet midis Bakusë dhe Jerevanit kanë qenë të tensionuara që nga viti 1991, kur ushtria armene pushtoi Karabakun, një territor i njohur ndërkombëtarisht si pjesë e Azerbajxhanit, dhe shtatë rajone ngjitur, duke përfshirë Kalbajarin.
Pjesa më e madhe e territorit u çlirua nga Azerbajxhani gjatë një lufte 44-ditore në vjeshtën e vitit 2020, e cila përfundoi pas një marrëveshjeje paqeje të ndërmjetësuar nga Rusia që hapi derën për normalizimin dhe demarkacionin e kufirit të tyre.
Shtatorin e kaluar, Azerbajxhani vendosi sovranitet të plotë në Karabak kur forcat separatiste në rajon u dorëzuan.
