Frika nga pagimi i dëmshpërblimeve dhe mungesa e konsensusit politik po pengojnë përpjekjet për të kaluar nga një situatë që shkaktoi krimin kundër njerëzimit.
Mbreti i Belgjikës ka vënë veton ndaj një kërkim faljeje për të kaluarën e egër koloniale të vendit të tij në Afrikën Qendrore, duke ngritur fantazmën e paraardhësit të tij Leopoldit II, mbretërimi i terrorit të të cilit në Kongon e pushtuar nga belgët mori miliona jetë.
Më 5 shkurt 1885, Mbreti belg Leopold II krijoi Shtetin e Lirë të Kongos duke pushtuar brutalisht tokën afrikane si pronë e tij personale. Në vend që të kontrollonte Kongon si një koloni, siç bënë fuqitë e tjera evropiane në të gjithë Afrikën, Leopold zotëronte privatisht rajonin.
Leopold financoi projekte zhvillimi me paratë e dhëna hua nga qeveria belge. Qëllimi i deklaruar i mbretit ishte t’u sillte qytetërimin popullit të Kongos, një rajon i madh në Afrikën Qendrore.
Megjithatë, mbretërimi i Leopoldit mbi shtetin e lirë të Kongos është bërë famëkeq për brutalitetin e tij. Populli i Kongos u detyrua të punonte për burime të çmuara, duke përfshirë gomën dhe fildishin, për të pasuruar personalisht Leopoldin.
Vlerësimet ndryshojnë, por rreth gjysma e popullsisë kongoleze vdiq nga ndëshkimi dhe kequshqyerja. Shumë të tjerë vuajtën nga sëmundjet dhe torturat. Në mesin e atyre që nuk u vranë, shumë u dënuan duke i prerë një dorë dhe/ose këmbë.
Disa shtete si Holanda, Danimarka, Franca, Britania e Madhe dhe Parlamenti Evropian, kanë kërkuar falje ose kanë njohur zyrtarisht skllavërinë dhe tregtinë e skllevërve si krime kundër njerëzimit. Ish-papa Gjon Pali II gjithashtu kërkoi falje për rolin e kishës në skllavëri. /mesazhi
