Trupa kineze do të udhëtojnë në Rusi për një raund manovrash të përbashkëta ushtarake me Rusinë dhe vende të tjera, përfshirë Indinë, Bjellorusinë dhe Taxhikistanin.
Kjo u bë e ditur nga Ministria kineze e Mbrojtjes, që specifikoi se ”prania kineze nuk lidhet me situatën aktuale ndërkombëtare dhe rajonale”.
”Operacionet ushtarake janë pjesë e një marrëveshjeje bashkëpunimi për thellimin e bashkëpunimit praktik dhe miqësor me ushtritë e vendeve pjesëmarrëse, përmirësimin e nivelit të bashkëpunimit strategjik ndërmjet palëve dhe forcimin e kapaciteteve të reagimit ndaj kërcënimeve të ndryshme të sigurisë”, thuhet në deklaratën e rastit të Ministrisë kineze të Mbrojtjes. /atsh
