Bjellorusia ka paraqitur ndryshime në kodin penal të vendit, duke propozuar tredhje kimike për pedofilët, transmeton Anadolu.
Zëdhënësja e Prokurorisë së Përgjithshme, Anzhelika Kurchak, në llogarinë e saj në Telegram tha se janë përgatitur ndryshime në kodin penal të vendit, që krahas dënimit për krim përcaktojnë se një vendim gjyqësor parashikon edhe “trajtim të detyrueshëm të personave që vuajnë nga pedofilia”.
Ministria e Shëndetësisë e Bjellorusisë, tha Kurchak, “ka zhvilluar dhe miratuar një protokoll klinik që përmban një algoritëm për trajtimin e pedofilisë, përfshirë përdorimin e tredhjes kimike”.
Ajo tha se nisma e Prokurorisë së Përgjithshme është mbështetur nga presidenti i vendit, Alexander Lukashenko.
