Pas rritjes në fillim të javës, çmimet e naftës kanë pësuar rënie dhe do të vazhdojnë në këtë rënie deri në fund të javës. Arsyeja është gjendja e inventarëve në SHBA dhe dyshimet në rritje për shpejtësinë e rimëkëmbjes së ekonomisë kineze.
Sipas Quantum Market Intelligence, rënia javore e çmimeve duhet të jetë rreth 5 për qind.
“Perspektiva për kërkesën e naftës së papërpunuar ka nevojë për një shenjë të qartë se rihapja e Kinës do të jetë e qetë dhe se momenti i rritjes ekonomike të SHBA-së nuk do të përkeqësohet me shpejtësi”, ka thënë analisti i lartë i Oanda, Ed Moya.
Pra, një shenjë e qartë e rihapjes së Kinës nuk ka ardhur ende, ndërsa të dhënat e fundit ekonomike nga SHBA-ja nuk japin shumë optimizëm: Sipas leximit të fundit të Indeksit të Menaxherëve të Blerjeve të Institutit për Menaxhimin e Furnizimit, prodhimi amerikan është në recesion.
Bankat qendrore kanë kontribuar në mundësitë ekonomike që çojnë në çmime më të ulëta.
Çmimi i indeksit amerikan WTI është 75.98 dollarë për fuçi, ndërsa nafta Brent është 82.25 dollarë për fuçi. Të hënën, çmimi i WTI ishte rreth 80 dollarë për fuçi. /koha
