RTV AHIRETI
FeaturedKosovëLajmeLajmet

DASH: Ndalimet arbitrare të qytetarëve dhe policëve të Kosovës, veprime përshkallëzuese

dash:-ndalimet-arbitrare-te-qytetareve-dhe-policeve-te-kosoves,-veprime-pershkallezuese

Departamenti amerikan i Shtetit i ka bërë thirrje Serbisë të vetëpërmbahet nga veprimet e njëanshme dhe të pakoordinuara, dhe ka thënë se pret lirimin e menjëhershëm të zëvendësdrejtorit të Policisë së Kosovës, Dejan Jankoviq.

DASH u bëri thirrje autoriteteve serbe të veprojnë me transparencë dhe në përputhje të plotë me ligjin në lidhje me qytetarët kosovarë të ndaluar në Serbi dje.

“Ndalimet arbitrare apo padrejtësisht të gjata, posaçërisht nëse cak i tyre janë oficerët e Policisë së Kosovës, do të shihen si veprime përshkallëzuese që dëmtojnë paqen dhe stabilitetin”, tha një zëdhënës i Departamentit të Shtetit për Radion Evropa e Lirë më 18 prill.

Sipas autoriteteve kosovare, Serbia ndaloi mbi 1.400 kosovarë, teksa po kalonin transit nëpër Serbi.

Në mesin e të ndaluarve ishin edhe dhjetë zyrtarë policorë.

Autoritetet thanë se nëntë zyrtarë policorë janë liruar, ndërkaq ndaj Dejan Jankoviq, Serbia ka caktuar masën e paraburgimit prej 48 orësh nën akuzën për “prishje të rendit kushtetues” të Serbisë.

Related posts

Lajçak për takimin Kurti-Vuçiq: Shpresonim për rezultat më të mirë

admin

Kryeministri holandez: Përpjekjet e Turqisë për të zgjatur marrëveshjen e drithit janë për t’u vlerësuar shumë

admin

Polonia dërgon mijëra ushtarë pranë kufirit me Bjellorusinë

rezart morina