Nëse e keni ndjerë ndonjëherë një dëshirë të fortë për ëmbëlsirat, nuk jeni vetëm. Megjithatë, pak njerëz i kushtojnë vëmendje. Për shkak të stresit afatgjatë dhe mungesës së gjumit, ngarkesa në trup rritet. Më shumë burime nevojiten për funksionimin normal. Për shkak të kësaj, ju mund të dëshironi të hani më shumë ëmbëlsira.
“Njerëzit kërkojnë një rrugëdalje dhe përpiqen të përmirësojnë gjendjen e tyre. Ëmbëlsirat ju lejojnë të ushqeheni me hormonin e lumturisë dhe të ndihmojnë në ngritjen e humorit. Karamelet dhe çokollata janë një lloj ilaçi për depresionin”, shkruan WebMD.
Gjithashtu, dëshira për të ngrënë më shumë ëmbëlsira mund të lindë shkaku I luhatjeve hormonale. Kjo është arsyeja pse shpesh shfaqet tek gratë para menstruacioneve.
Dëshira për më shumë ëmbëlsira mund të tregojë gjithashtu se një person ka të reduktuar funksionin e tiroides. Si rezultat, njerëzit kanë ulur nivelet e energjisë, bëhen letargjikë dhe lodhen shpejt. Karbohidratet e shpejta që marrim kur konsumojmë ëmbëlsirat i lehtësojnë këto simptoma, shkruan Index.hr.
Nevoja për më shumë ëmbëlsira mund të lindë edhe për shkak të mungesës së hekurit, zinkut, magnezit, kromit dhe kalciumit në trup. Këto minerale ndikojnë në nivelet e insulinës si dhe në metabolizmin e karbohidrateve.
