Dhjetëra protestues u mblodhën para shtëpisë së Presidentit Isaac Herzog në Tel Aviv për të kundërshtuar kërkesën e kryeministrit Benjamin Netanyahu për falje presidenciale nga akuzat për korrupsion. Në protestë u bashkuan edhe deputetë të opozitës, të cilët i bënë thirrje Herzogut të refuzojë kërkesën.
Protestuesit mbanin pankarta që fajësonin Netanyahun për krizën politike dhe ironizuan kërkesën e tij me një instalacion të quajtur “Falja = Republikë Banane”. Demonstrata u zhvillua mes reagimeve të forta politike ndaj përpjekjes së Netanyahut për t’i dhënë fund procesit të tij gjyqësor, ndërsa ai e ka kërkuar faljen pa pranuar fajin, ndonëse ligji izraelit e kërkon një rrëfim të tillë.
Netanyahu përballet me tre çështje të mëdha korrupsioni dhe një urdhër-arresti nga Gjykata Penale Ndërkombëtare, ndërkohë që lufta në Gaza ka shkaktuar mbi 70 mijë viktima palestineze që nga viti 2023. /mesazhi
