Ish-diplomati izraelit Alon Pinkas ka thënë se qeveria izraelite nuk shqetësohet nga dënimet e vendeve evropiane, duke argumentuar se deklaratat pa masa konkrete mund ta ndihmojnë Izraelin të forcojë narrativën e tij.
“Kjo qeveri nuk shqetësohet nga dënimet. Në fakt, është e kundërta”, tha Pinkas për Al Jazeera.
Sipas tij, dënimet e tilla i mundësojnë qeverisë izraelite të pretendojë se “bota është kundër nesh, të gjithë janë antisemitë dhe ekziston një atmosferë antiizraelite”.
Komentet e Pinkas vijnë pas një deklarate të përbashkët të publikuar të enjten nga disa vende evropiane dhe Kanadaja, të cilat kritikuan projektin izraelit të vendbanimeve në zonën E1 dhe paralajmëruan për “pasoja ligjore dhe reputacionale”.
Pinkas, i cili shërbeu si konsull i përgjithshëm i Izraelit në Nju Jork nga viti 2000 deri më 2004, tha se për sa kohë reagimet evropiane mbeten vetëm në nivelin e retorikës dhe “dënimeve boshe”, qeveria izraelite nuk i merr seriozisht.
Ai theksoi se deklaratat e parlamenteve apo ministrive të jashtme të vendeve të Bashkimit Evropian nuk kanë ndikim të mjaftueshëm nëse nuk shoqërohen me masa konkrete. /mesazhi
