Të paktën 16 persona kanë vdekur dhe nëntë të tjerë janë plagosur, si pasojë e zjarrit në një ndërtesë banimi në Dubai, kanë raportuar mediat lokale.
Zjarri ka shpërthyer në zonën Al-Ras, një prej pjesëve më të vjetra të Dubait.
Në atë zonë kryesisht banojnë tregtarët dhe punëtorët migrantë.
Zjarri ka shpërthyer në katin e katërt të ndërtesës pesëkatëshe, sipas mediave lokale.
Mbrojtja Civile e Dubait ka thënë se zjarri mund të jetë përhapur pasi ndërtesa nuk përmbush të gjitha standardet e sigurisë.
Sipas autoriteteve, ato janë duke hetuar shkakun e incidentit, mirëpo ende nuk ka asnjë të arrestuar.
A fire in a residential building in UAE’s Dubai kills 16 people and injures nine others pic.twitter.com/muNNXR9yJG
— TRT World Now (@TRTWorldNow) April 16, 2023