Me një apel për shënimin e 100 ditëve të luftës në Gaza, shefi i OBSH-së Tedros dënoi “mbi 300 sulme ndaj shëndetësisë dhe mungesën e vazhdueshme të aksesit të sigurt në ndihmë kritike” në enklavë.
Ai vuri në dukje se vetëm 15 spitale mbeten funksionale, por janë në gjendje të ofrojnë shërbime të kufizuara.
Ndërkohë, punonjësit humanitarë janë “të penguar në mënyrë të përsëritur nga dhënia e ndihmës aq në nëvojë”.
“Njerëzit në Gaza po jetojnë në ferr. Askund nuk është sigurt. 100 ditë, dhe duke u numëruar, pasiguria dhe frika e pandërprerë janë përtej fjalëve,” shkroi ai në X. “Duhet bërë gjithçka për t’i dhënë fund dhunës për të parandaluar më shumë vdekje dhe lëndime të panevojshme.”
