Forcat izraelite kryen një bastisje në qytetin Dura, në jug të Hebronit, duke plagosur dy palestinezë dhe duke arrestuar një tjetër, raporton agjencia Wafa.
Ushtarët, të shoqëruar nga qen policie, qëndruan për disa orë në qytet, ndërsa përdorën plumba të vërtetë dhe sasi të mëdha gazi lotsjellës.
Dy të rinj u qëlluan në këmbë dhe u dërguan në spitalin qeveritar të Durës, ndërsa dhjetëra banorë u trajtuan në vend për shkak të inhalimit të gazit.
Sipas Wafa-s, një i ri u arrestua gjatë operacionit, por identiteti i tij nuk është bërë ende i ditur. /mesazhi
