RTV AHIRETI
FeaturedKosovëLajmeLajmet

Dy senatorë i kërkojnë Blinkenit vëmendje për shqiptarët e Luginës

dy-senatore-i-kerkojne-blinkenit-vemendje-per-shqiptaret-e-lugines

Dy senatorët amerikanë, Joni Ernst dhe Gary Peters, i janë drejtuar me letër sekretarit amerikan të Shtetit, Antony Blinken, duke i kërkuar vëmendje për diskriminim dhe shtypjen që po u bëhet shqiptarëve në Luginën e Preshevës.

Në letër ata kanë shprehur shqetësimin me trajtimin e këtij komuniteti.

“Ju kërkojmë juve dhe Departamentit të Shtetit të ngrisni këto shqetësime dhe nevojën për zbatim të plotë dhe të qëndrueshëm të Planit Shtatëpikësh, sipas marrëveshjes suaj me palën serbe”, thuhet në fillim të letrës, që është shpërndarë nga Faton Bislimi nga Liga Qytetare Shqiptaro-Amerikane.

“Humbja e momentit për këtë proces (plani shtatëpikësh) do të nënkuptonte hap të rëndësishëm prapa”, thuhet në letër po ashtu.

Shqiptarët e Luginës në vazhdimësi janë ankuar për diskriminim nga autoritetet e Serbisë. Procesi i pasivizimit të pronave të tyre, vetëm pse nuk janë gjetur në shtëpi gjatë regjistrimit, ka qenë më i përfolur e i kritikuar edhe në raporte ndërkombëtare.

Së fundmi, Këshilli Kombëtar Shqiptar në Serbi është ankuar edhe për diskriminim në punësim.

Related posts

Rusia përgatitet të ndalojë përdorimin e çmimit tavan në tregtinë e naftës

admin

Ambasadori amerikan i uron myslimanëve kosovarë me rastin e Hixhretit

admin

Prokuroria: Dejan Pantiqi u dërgua në arrest shtëpiak për shkak të aspektit human, i njëjti kishte probleme shëndetësore

admin