Dy të mitura dhe një grua janë raportuar të zhdukura në Kosovë gjatë 24 orëve të fundit.
Sipas raportit 24-orësh të Policisë, një rast është raportuar në Prishtinë, ku një grua ka njoftuar policinë se dy vajza të mitura janë zhdukur dhe nuk dihet vendndodhja e tyre.
“Më 13.06.2026 ankuesja kosovare ka njoftuar se dy vajza të mitura janë zhdukur dhe nuk dihet për vendndodhjen tyre. Rasti në hetime”, thuhet në raportin e Policisë.
Rasti tjetër është raportuar në Malishevë.
Një burrë ka njoftuar policinë se një anëtare femër e familjes ka dalë nga shtëpia dhe nuk është kthyer.
“Ankuesi kosovar ka njoftuar policinë se një anëtarja e familjes femër kosovare ka dalë nga shtëpia dhe nuk dihet për vendndodhjen e saj. Rasti në hetime”, thuhet në raportin e PK-së
Të dyja rastet janë duke u hetuar nga Policia e Kosovës.
