Turqia nuk do të lejojë baronët e terrorit në Irakun dhe Sirinë veriore ta ndalojnë vendin nga rruga e tij, tha presidenti turk Recep Tayyip Erdoğan, raporton Anadolu.
Në lidhje me luftën e Turqisë kundër grupit terrorist PKK, Erdoğan tha në ceremoninë e hapjes së pistës së dytë të Aeroportit Ndërkombëtar Sabiha Gökçen në Istanbul se “Ne nuk do të lejojmë as baronët e terrorit në Kandil dhe Siri, as ata që mbajnë frenat e këtyre tradhtarëve, të na ndalojnë nga rruga jonë”.
“Ne nuk do të lejojmë absolutisht asnjë dëm për vëllazërinë prej 85 milionësh”, u zotua Erdoğan.
“Turqia e vjetër, ku politika formësohej nga terrorizmi, tani i përket së shkuarës”, shtoi ai.
“… Ne i dimë ambiciet tuaja, e dimë saktësisht se kush jeni… Për sa kohë që jeta jonë na lejon dhe me mbështetjen e palëkundur të kombit tonë të nderuar, ne do të vazhdojmë të luftojmë me ju”, tha presidenti turk.
Që nga sulmi terrorist i PKK-së të premten në Irakun verior, ku mbetën të vrarë 12 ushtarë, sulmet ajrore turke kanë shkatërruar dhjetëra objektiva terroriste në Irakun dhe Sirinë veriore.
Terroristët e PKK-së shpesh fshihen në Irakun verior për të komplotuar sulme ndërkufitare në Turqi. Ajo gjithashtu ka një degë siriane, të njohur si YPG.
Në fushatën e saj terroriste më shumë se 35-vjeçare kundër Turqisë, PKK – e listuar si organizatë terroriste nga Turqia, SHBA-ja dhe BE-ja – ka qenë përgjegjëse për vdekjen e më shumë se 40.000 njerëzve, duke përfshirë gra, fëmijë dhe foshnja.
Terörle bizi yıldıracakları vehmine kapılanlara şu ikazı yapmakta fayda görüyorum.… pic.twitter.com/8mKyKnKIOr
— Recep Tayyip Erdoğan (@RTErdogan) December 25, 2023
