RTV AHIRETI
LajmeRajon dhe Botë

Erdogan dhe Abbas diskutojnë luftën në Rripin e Gazës

erdogan-dhe-abbas-diskutojne-luften-ne-rripin-e-gazes

Presidenti palestinez Mahmoud Abbas ka planifikuar të takohet të martën me presidentin turk Recep Tayyip Erdogan në Ankara për të diskutuar negociatat e vazhdueshme në lidhje me luftën në Rripin e rrethuar të Gazës, tha sot kryediplomati i Autoritetit Palestinez (PA).

“Të dy udhëheqësit pritet të diskutojnë luftën në Rripin e Gazës”, tha ministri i Jashtëm palestinez Riyad al-Maliki.

Al-Maliki falënderoi Ankaranë për mbështetjen e palëkundur për çështjen palestineze, gjatë fjalimit të tij në një forum në Antalia.

Erdogan është një kritik i vendosur i politikës së Izraelit për Palestinën dhe kundërshton klasifikimin e Hamasit si një organizatë terroriste, të shpallur tashmë nga vendet evropiane dhe Shtetet e Bashkuara të Amerikës.

Homologët e Al-Malikit, Sameh Shoukri i Egjiptit dhe Hakan Fidan i Turqisë, dënuan sulmet e vazhdueshme izraelite në Gaza gjatë bisedimeve dje në Antalia.

“AP është e vetmja fuqi legjitime për të administruar Gazën e pasluftës”, tha al-Maliki, duke hedhur poshtë planet e kryeministrit izraelit Benjamin Netanyahu për të patur një kontroll të plotë mbi Gazën dhe konsideruar ato si “politikisht të pavlefshme”.

Related posts

Kalifornia përdor dronët për reduktimin e mushkonjave – VIDEO

rezart morina

BSPK u bën thirrje autoriteteve kompetente ta rrisin sigurinë në vendin e punës

rezart morina

OKB diskuton krijimin e ‘institucionit të ri ndërkombëtar’ pasi 100,000 sirianë mbeten ende të zhdukur

admin