Presidenti i Turqisë, Recep Tayyip Erdogan u nis për në Turkmenistan për të marrë pjesë në “Forumin Ndërkombëtar për Paqen dhe Sigurinë”, raporton Anadolu.
Erdogan u përcoll në aeroportin “Esenboga” nga zëvendëspresidenti Cevdet Yilmaz, guvernatori i Ankarasë Vasip Sahin dhe zyrtarë të tjerë.
Presidentin Erdogan e shoqëron bashkëshortja e tij Emine Erdogan, ministri i Jashtëm Hakan Fidan, ministri i Energjisë dhe Burimeve Natyrore Alparslan Bayraktar, drejtori i Komunikimeve Presidenciale, Burhanettin Duran dhe kryetari i Këshillit të Pleqve të Organizatës së Shteteve Turke, Binali Yildirim.
